Información xeral
O Hospital Cosaga, en colaboración con Scanner Ourense, converteuse no primeiro hospital privado de Galicia en adquirir unha nova Resonancia Magnética de alto campo e última xeración con tecnoloxía anticlaustrofobia.
Esta nova RMN dixital Ingenia 1.5 Teslas PHILIPS permite, grazas á súa maior definición, obter imaxes mais precisas de estruturas cardíacas, vasculares, neurolóxicas, abdomino- pélvicas e músculo- esqueléticas.
Conta ademais con importantes innovacións pensadas para mellorar o confort do paciente e evitar a ansiedade e sensación de claustrofobia como son o aumento do diámetro do aloxamento para o paciente, que pasa de 60 a 70 cm (única Resonancia Magnética na provincia de Ourense que conta con este diámetro). Incorpora tamén as tecnoloxías Ambient Experience, que consiste nunha iluminación dinámica, e Patient In Bore, que permite ao paciente unha vez no “ bore” (tubo da RMN) visualizar imaxes ou un vídeo da súa elección especialmente deseñado con sons suaves e tranquilizantes.
Estamos seguros que esta nova RMN contribuirá a incrementar o nivel asistencial e benestar dos pacientes desta provincia.
A nova Resonancia Magnética dixital de alto campo súmase á importante remodelación das instalacións do Servizo de Radiodiagnóstico do Hospital Cosaga e Scanner Ourense, e están pensadas e deseñadas para a comodidade do paciente.
As novas instalacións contan agora con dúas Resonancias Magnéticas de alto campo de 1,5 teslas e un Tac multicorte que complementan a oferta de diagnóstico por imaxe (radioloxía xeral, ortopantomografía, mamografía e ecografía) do hospital.