Información xeral
O Hospital Cosaga conta cun servizo de Farmacia Hospitalaria composto por un farmacéutico especialista en Farmacia Hospitalaria e dous técnicos en Farmacia.
As funcións son:
Xestionar a adquisición de todos os medicamentos do centro.
Dispensar medicación a pacientes ingresados en doses unitarias. Cada paciente recibe a medicación de forma individualizada (compróbase o tratamento que necesita e adáptanse os envases comerciais a envases unitarios grazas a unha maquina reenvasadora en doses unitarias para asegurar a correcta manipulación dos medicamentos).
Dispensar e informar o paciente ambulante do correcto uso de medicamentos de uso hospitalario, comprobando a non existencia de interaccións entre a súa medicación habitual e o novo tratamento.
Conciliar a medicación habitual do paciente coa que recibirá no noso centro. (Evitar duplicidades, interaccións…)
Farmacovigilancia. (Vixiar as reaccións adversas de medicamentos e notificalas á autoridade sanitaria competente).
Xestión de alertas de medicamentos.
Preparación de formulas Maxistrais.
Asesorar e resolver calquera dúbida que poida xurdir a outros profesionais do centro sobre o correcto uso do medicamento.